Jerita Uging enggau Antu Raya- Part 3

Picture credit to here

Nyambung baru jerita Uging tu kala ke bisi awak—diatu part 3: Antu raya meri tinchin ajih ngagai Uging

Nya keno ko jerita…….

Tiap tiap malam malam meh antu raya tu datai ngachau tudah Uging. Tiap malam ga sida pama nyaut tanya antu raya nya tadi.Tiap tiap pagi ga antu raya nya pulai enggau jari ti kosong enda tetemu ke Uging ti belalai ba tibang padi.

Nyau pengelama pengumbas iya diasai, iya diak deh Uging berunding kediri.

‘’Puas amai meh aku tu idup diau kediri. Ninting malam ga aku belalai ba puchuk tibang ari ke diempa antu raya. Nama meh tuju aku idup bakatu’’.Pia ko munyi runding Uging duduk seikok ikok kediri.

‘’Engka nyamai agik enti aku parai, minta diempa antu raya sekali’’ Pia ko runding Uging baru. Nyau datai meh runding dadak Uging. Amat ga wai enda pia.Nyu puas belalai ke antu rayaSeiko iko ngibun tembawai lama orang diak, ni enda iya tebulih runding bakanya.

‘’Ba chukup meh aku tu dikeduan ke antu raya!!’’ Pia ko Uging,Nyau tepansut ga leka jaku puas ke berunding kediri.

‘’Malam tu aku nyerah kediri nyeruga ngagai antu raya.Minta ditegam iya sekali ko iya’’.

Enda mukai mukai bisi orang nyaut dalam ati Uging.’’Anang guai Uging, anang guai nyerah kediri empu nuan, uji nuan ngiga jalai dulu!!Anang mapap!.Pia munyi ko nyawa nya dalam ati Uging. Enda alah baka bisi Uging ti siko da dalam tubuh Uging.

Tang Uging empu nyaut’’Nama agi dianti, peda gamal aku tu jaik,kurap lusung.Nama guna aku tu idup’’Ko Uging.

‘’Nama orang jai gamal enda tau idup pia? Rugi Petara meri nuan nyawa enti nuan berunding bakanya, sepatut iya nuan meri terima kasih ngagai Petara ti meri nuan nyawa. Bisi tuju Iya ngasuh nuan idup. Uji nuan ngiga nama TUJU nya? ’’. Pia Ko nyawa ari Uging nya nyaut Uging empu.

Uging nyaut baru.’’ Au meh enti nuan munyi nya. Sekali tu aku deka meh mending ka nuan. Aku deka nguji ngiga TUJU nya dulu.Enti TUJU nya nadai, aku deka munoh diri empu ila’’

‘’Uji meh, ila nuan deka beterima kasih ngagai aku ila.Ingat nuan !’’.Pia ko munyi nyawa ari Uging empu.Baka deka mencabar tudah Uging.

‘’Au meh. ‘’Ko Uging enggai alah laya enggau iya empu.

Engka bakanya meh kitai mensia ngembuan diri empu kitai ke lumbor dua.

-------------------------------------------------------------------------------------------------

Udah kepuas betimbal jaku enggau diri empu, diak Uging pan gadai gadai bejalai keulu-keili.Berunding agik kediri empu.’’Ni alah selama lama aku belalai ke antu raya’’ko iya.’’Bakani jalai aku deka nyeliah kediri ari diempa antu raya’’ko iya.

Kepuas iya bejalai kulu-kili.Diak iya ngetu alu bechekak pinggang.Alu bejaku’’Kapa aku deka belalai agi. Manah aku ngelaban nuan owhhh antu raya’’? ko iya seraya ngentak ke kaki.Deka ngambi pemerani dir empu meh jara.

Diak deh Uging alu nyapai duku iya.Lalu nurun ke babas.Nebang kayu sereta begiga ke sida wi, dikena iya ngaga panjok. Panjok tu dikena iya manjok antu raya.

‘’Legi ensepi nuan antu raya, makai panjok aku tu legi nuan’’ ko Uging bejaku kediri.

Udah iya bulih sida kayu, sida wi sereta akar alu dibai iya pulai ke rumah. Datai di rumah din alu setat iya melah kayu, ngeraut wi kena ngaga panjok.Udah tembu nya tadi, diak deh Uging setat masang panjok bap ala tangga penama ke ruai.

Munyi ko jerita.Pengambis iya besai sereta rat panjok digaga tudah Uging. Kita ga nemu dikena iya manjok antu raya. Nemu pemesai antu raya nya deka bela pemesai enggau rumah.maianya kelia ukai baka pemesai rumah kitai diatu. Enti baka rumah dunya diatu, di kesoh ke seput antu raya udah terebai pelaba aku.

Panjok udah tembu dipasang tudah Uging. Ari pan deka belaboh lemai.Uging jampat jampat mela diri empu. Nyikap diri ke penatai antu raya. Sekali tu Uging duduk dunga-dunga ba pala tangga makai pinang sambil ke nganti penatai antu raya nya tadi. Nganti meh tudah Uging.

Udahnya, dinga munyi utai ari jauh.Tum Ketumba! Tum ketumba!. Munyi pengap antu raya ari jauh. Nyau gadai gadai sigi sigi singkang antu raya nya tadi.

Diak Uging alu tekenyit meda antu raya nya ari jauh.’’Apo! Nyin utai deh ko iya.”

Balat pemesai antu raya nya ko iya. Ari jauh ngeli antu raya nya ulih dipeda.Bka pemesai buah terung kanggan.EMpak pemesai iya, enti ngeli ulih dipeda ari jauh.

Uging pan mansang bediri bap ala tannga.Ngerigang kediri empu.Antu raya nya majak damping se -damping.Datai ba pala tangga. Peda Uging nya nyu sama peninggi enggau pala patung antu raya. ENda nyema ke peninggi antu raya nyau sebaka enggau puchuk ketapang.Nemu kita kayu ketapang.Peninggi antu raya sebela enggau puchuk ketapang.

……..Antu raya nya datai ba pala tangga…….Endang seentang enggau Uging. Uging nyua engkadah meda antu raya nya.Peda iya gamal antu raya chukup iya penyai utai.Mata nyau melut mansau baka bara api.Dagu nyu berulat. Tubuh nyu bebulu –bulu nyau baka damun repa. Tang seninijk amai, Uging enda berasai takut ke antu raya nya ti udah ba depan mata iya.

Antu raya: Nya nuan Uging! Jaga nuan Uging aku deka negam nuan diatu!Ha!Ha!Ha (Ko antu raya sambil ke nepuk dada)

Uging: Apo! Antu raya. Iga ga nuan enda milih makai mensia. Peda nuan aku tu kurap, lusong.Kaki aku ambih diempa tebo. Ka ga nuan makai aku?

Antu raya: Enda aku peduli nuan nya kurap! Enti nuan tama nyawa aku manis diempa, tang enti nuan pait legi, aku lua ke baru.

Uging: Enti pia, uji meh.Tangkap aku diatu. Idup nadai meh aku guna.(Ko Uging baka ka ngasa ke antu raya)

Diak deh antu raya nya alu mansang ngagai Uging.Deka nyengkau Uging.Engka baka utai ngapa meh Uging tu deka dijenkau antu raya .Antu raya nya mansang nyingkang.Bedau datai singkang iya diak deh Uging alu narik panjok iya. Peda deh enda mukai mukai alu ngayit kaki sepiak antu raya nya.Nama agik, alu bepannga kaki antu raya. Nyau kitang kitang antu raya kena tarik panjok nya tai.Pala iya kebaroh, kaki sepiak iya katas. Antu raya nya pan alu rawoh-rawoh di ayun ke panjok. Empak penguat panjok digaga Uging tu. Ulih kitai imagine kini?Pemesai antu raya nya tang ulih dipanjok tudah Uging. Nyu tekitang kitang enda nyema baka kitai bulih rusa kena panjok.

Antu raya: Akai deh indai!! Uging!

Uging: Nya ensepi nuan, nemu deka makai aku.

Antu raya: Tulung aku Uging, lepas ke aku! Pedis amat kaki aku kena panjok nuan.

Dini alai nuan bulih akal manjok aku tu. ( Seraya ke deka ngelepas kediri, tang enda ulih laban panjok Uging cukup iya pengerat utai.)

Uging. Neh antu raya.Peda nuan gamal aku jaik tang aku ulih tepanjok ke nuan. Puas amat aku ngelama tu digagau nuan tiap tiap malam.Nuan nemu aku tu ditinggal ka orang tembawai, agi ga nuan deka nundi aku. Sepik asai nuan!!!!Nyamai!

Antu raya: Uging! Uging kasih ke aku! Pedis amat kaki aku. Tulung lepas ke aku.

Uging: Enggai! Aku deka mumpung pala nuan. (Seraya ngamang ke kapak deka mumpung pala antu raya).

Antu Raya: Enggai deh Uging! Enggai aku parai dulu.Legi bini aku nganti penatai aku. ( Duhal antu raya tu bisi indu iya).Kasih ke aku.

Uging: Nama tuju aku kasih ke nuan. Nama penguntung aku ngelepas ke nuan.Legi ka diempa nuan baru.Sebedau nuan bedengah aku manah aku bedengah nuan dulu.

Antu raya: Aku deka meri nama aja peminta nuan enti nuan muka panjok tu. Aku bedanji enngau nuan.Tang semina siti peminta aja. Enti aku bula aku parai legi nyadi ketam.( Ko antu raya nyumpah diri nyadi ketam). Ketam jelu ti pengambis iya mit.

Uging: Nuan udah besumpah.Enti nuan bulah sumpah nuan nyadi.

Antu raya: Aku meri nuan rumah mahligai emas. (Rumah limas-munyi ko tusoi rumah limas to naka meh pemanah rumah nyu bepancar baka emas, nya dikumbai orang rumah limas), enti nuan ngelepas ke aku.

Uging: Enggai aku rumah limas.Ukai bisi enggau orang beribun aku enti diau ba rumah limas.

Antu raya: Enti nuan enggai rumah limas, iga ga aku meri nuan emas, intan gemala ngambika nuan kaya raya.

Uging. Enggai, kapa aku emas intan gemalanya.Ukai tau diempa.

Antu raya: Enti enda isa ga aku meri gamal nuan sigat.Tubuh nuan pulai ke manah baru.Isi nuan badu kurap.

Uging: Enggai. Sapa orang meda aku enti aku sigat. Indu dara bajik nadai ga.

Antu raya: Enti nuan enggai iigak ga aku meri nuan indu bajik nyadi ke bini nuan.

Uging: Enggai aku indu bajik. Sapa ke berami ke aku enti aku bebini.

Antu raya: Bah semua nuan enggai magang. Uji nuan ga minta, tang semina siti aja.

Uging: Au meh.Aku deka minta siti tinchin. Tinchin ajih.!! Bisi nuan.

Antu raya: Apo amat raya utai dipinta nuan.Amat pandai nuan minta utai. Au meh!Tinchin ajih. (Antu raya nya pan ngulih ke tinchin ajih iya.).Tang enti udah dikena enda ulih dibuka agi ticnhicn tu ko iya.

Uging: Nya pia meh. Beri kitu dulu ke tinchin nya.Baru aku muka panjok nuan.Bakani ngena tinchin ajaih tu deh?

Antu raya: Nuan mina nyebut lekajaku .’’Ajih.........! Ajih!.........’’ Udahnya sebut nama utai dikedeka nuan.

Antu raya nya pan nyua ke tinchin ke antu raya nya.

Uging pan ngambi tinchin nya.Tinchin nya nyu perenching enda(alah baka ticnchin ba Lord of the ring , kini) alu ngerasuk ke tichin nya jari iya.Uging tang berasai diri amat perenching maia ke ngena tinchin nya.

Uging: Nya kitu aku muka panjok nuan. (Uging pan ngetak akar panjok nya tadi) .Antu raya pan labuh. Tanah nyu berenyang maia e ngelepas ke antu raya, empak pemesai utai.

Antu raya nya pan nyau sengah sengah- nyintak seput. Laban ke udah lelak pengelama udah kitang kitang ba panjok. Iya pan duduk dulu ngenat kediri.

Uging: Duduk dulu meh nuan.

Antu raya: Kangau aja aku ‘’Aki’’. Diatu tua udah bebakih.

Uging: Au meh Aki. Duduk dulu nuan. Deka nginsap nuan.Aku ngambi kenuan insap dulu.

Uging pan ngambi batang insap alu nucul insap ke aki antu raya nya.Peda nyu kepul kepul asap insap antu raya nya baka asap orang betunu ke umai bukit.

Antu: Diatu aku pulai dulu. Arap ke nuan ngena tinchin nya manah manah au. Tang aku arap ke nuan. Laban nuan bisi ngembuan ati ti manah sereta sinu ke orang. (Baka ken emu macha ati oang aki antu raya tu deh)

Uging: Au meh aki. Arap ke nuan gerai sereta badu meh ngachau mensia.Aku deka ngajih kenuan, badu agi nuan ayan ba mata mensia.Alu badu ngerau mensia enti nyema sida mensia enda ngachau nuan.Ajih..!Ajih! Aki badu ngachau.

(Engka udah diajih ke Uging nya meh sampai sari tu kita enda ulih meda antu raya enggau mata kasar.)

Udahnya Uging pan tama ke bilik. Alu nguji deka ngajih ke utai.

Uging: Ajih!Ajih! tubuh aku badu kurap sereta lusong.Gamal aku sigat idung aku manchung.

(Udahnya Uging mansang ngagai cheremin).....

Ila nyambung baru kelalu panjai..

Jerita Uging enggau Antu Raya-Versi B.Malaysia - Part 1.

Pada zaman dahulu kala….. sebelum zaman pra-sejarah , ada seorang lelaki yang malang nasibnya, bernama Uging. Uging tinggal di pondok kecil, dihujung kampung.Rumahnya terpisah sedikit dari penduduk lain di kawasan rumah panjang.Uging dipinggirkan oleh para penduduk tersebut.Uging mempunyai rupa paras yang buruk, yang sukar digambarkan. Bukan sekadar buruk, dia juga busuk disebabkan kudis, panau dan kurap yang melekat dibadannya. Penduduk dirumah panjang jijik dengan keadaan si Uging. Walhal si Uging tidak minta untuk dilahirkan sebegitu. ( Kalau boleh, dia mau sedikit hensem daripada lelaki ini .)

Image credit to here.

Nak dijadikan cerita dongeng. Pada zaman tersebut, dunia manusia dan dunia hantu raya sangat lah berdekatan, bak kata orang tua cuma bersempadankan sebatang pokok.Tiap-tiap malam penduduk dikawasan rumah panjang tersebut ketakutan dan mengalami igauan ngeri akibat gangguan hantu raya yang mencari manusia untuk dimakan. Asal malam menjelang tiba, hantu-hantu raya akan berkeliaran dan mengelilingi rumah panjang.Hantu-hantu ini berusaha memanjat rumah panjang panjang untuk mendapatkan manusia tetapi selalu sahaja gagal sebab pertahanan sturcktur rumah panjang yang cekap dan kuat pada zaman tersebut.

Disebabkan gangguan hantu raya yang berterusan, maka penduduk-penduduk rumah panjang pun berpindah membawa harta benda seperti tajau ke kawasan yang jauh dan selamat daripada si hantu raya. Tinggal lah hanya si Uging seorang yang masih mendiami kawasan tapak kampung tersebut. Bukan gara-gara si Uging tidak ingin ikut berpindah sama, tetapi penduduk yang memulaukan si Uging. Kesian nasib si Uging.

Dalam cerita dongeng ni, Si Uging bukanlah seoranglah seorang yang penakut dan pengecut. Si Uging berikhtiar mencari idea dan helah untuk melawan si hantu-hantu raya ni.

Kesokkan harinya…

Awal awal pagi Si Uging pergi ke sungai untuk mencari katak. Dia mencari katak untuk digunakan melawan hantu raya yang bakal datang pada malam nanti. (Agaknya , bagaimana katak yang kecil molek ni melawan hantu raya yang sebesar lori ?) Pada zaman tersebut katak-katak ini pandai bercakap dan juga pandai menjawab soalan apabila ditanya.

Sebaik sahaja sampai dirumah, Uging pun mempersiapkan dirinya sebelum senja berlabuh tiba.Katak-katak tersebut diberi makan sekenyang-kenyangnya.

Matahari terbenam..senja pun menjelang tiba……..

Akan bersambung.

p/s: Sumber :Cerita dongeng ini diceritakan oleh emak dan mendiang datuk I, semasa kecik kecik dulu.

Jerita Uging enggau Antu Raya-part 2

Nampung baru jerita Uging nyin kemari.......

Nya keno ko jerita..

Uging tu udah nyiap ngelalai kediri empu. Dini iya belalai ko kita? Din iya belalai ba puchuk tibang. Tibang tu alai kitai menya kelia nyimpan padi.Agi bisi tibang kita wai? Pemesai-mesai tibang orang kelia suba ulih alai Uging belalai.Rangkal orang kelia ukai baka kitai diatu.Suba, endang chukup pemesai rangkal kitai Iban munyi ko niang aki. Enda nemu aku engka amat kini.

Ba tibang diak meh Uging ngenat kediri.Kebuah iya belalai ba tibang ngambika enda temu antu raya pia ko dalam ati tudah tuai kediri. Ba takut meh tudah tuai kediri. Uji ngasai diriempu kitai.Nang ke nadai antu dipeda mata sereta didinga pending pan kitai takut.Anang ke enti antu nyeruga di peda mata. Enda taku nuan?

Dinga Uging munyi utai semetak ari jauh sereta tapak kaki iya bedentom-dentom sigi sigi sigi.Nyo baka munyi ‘’Tum Ketumba! Indai Ragum Nadai Diak!. Enda lama nyu majak semak tauka damping. Majak semak munyinya datai meling rumah iya. ‘’Antu raya meh nya’’ keno ko dalam ati iya.Enda mukai mukai munyi sada nyawa antu raya nya rabau ngangau ke nama Uging.’’Ni nuan Uging!! Tu aku datai deka nelan nuan segala.Nyam-nyam!!!!!!!!! ’’ ko antu raya nya manjung ngagau ke nama Uging.Munyi ke nyamai diempa meh mensia enti munyi ko antu raya tu. Baka ke bula bakani enda antu raya nemu nama Uging tu. Uging pan alit ati bakani antu raya tau ngelala nama iya. Ba nama iya cherita.

Antu raya ngangau baru’’Ni nuan Uging?!!’’. ‘’To aku,ba dapur” ko iya. Kebendar iya ukai Uging nyaut tadi. Bala sida pama ke nyaut tanya antu raya. Antu raya nyu pan meling mansang ke dapur.DIgusak gusak iya tiang dapur.Enda puas ati nanya baru antu raya’’Ni nuan Uging?!’’. ‘’TO aku ba sadau’’ ko bala pama nyaut. Ninga saut nya tadi dia antu raya meling sadau ga. Nyau bepeling peling tudah antu raya nya semalam malam. Nya tuju pama nya tadi dikena nyaut tanya antu raya. Pemaioh pama diengkah Uging ba dapur, ba sadau ba bilik meh sekeda iya.Nyu besaut saut sida pama, sampai ke antu raya nya nyau enda dapat nanya nanya agi. Nyu bungau pala antu raya.Sebening lalat bisi meh pama majak bepeling aja. Ni enda enda lama iya ke dapur enda lama ke sadau enda lama meling belah bilik nitih ke dini saut bala sida pama. Bisi ga pengamat iya, enti nyema Uging nyaut ending berupai ditemu antu raya enda pia iya neh.

Sampai ke pagi antu raya bepeling peling.Enda meh tetemu ke Uging laban alai nyu bepeling aja.Ari pan angkat tawas, antu raya pan pulai enggau mut mut iya.

‘’Ila ensepi nuan Uging, malam legi aku datai baru deka nelan nuan segala’’ ko antu raya nya.

Bah nemu antu raya nya udah angkat kaki, sereta ari pan udah ga tawas diak deh Uging murus dada.

Lapang meh ati iya keno.’Agi enseput meh aku sari tu, ’’ko iya rawan kediri empu.

(ila nampung baru enti bisi ari) part 2 Antu raya meri tinchin ajih ngagai Uging................

Jerita Uging enggau Antu Raya

Jerita Uging enggau Antu Raya-Versi B.Iban-part 1

Jerita tuai tu ditusoi sida indai enggau niang aki aku.

-------------------------------------------------------------------------------------------------

Nyadi kelia menya suba, bisi siko lelaki benama Uging.Iya tinggal ba ujung rumah panjai enda betampung enggau orang rumah panjai. Tang rumah Uging ulih dipeda sida orang kediau dirumah panjai diak.

Uging tu ngembuan gamal ti pengambih iya jaik. Iya kurap sereta lusung, betis iya bekuris belakang iya bongkok baka pengema ribis basung. Nya meh kebuah sida orang ba rumah panjai diak enggai betampung rumah enggau Uging tu. Sida iya keji enggai kedirampit kurap Uging.Sekeda ti ngembuan lintan jai endang sigi nyadi ke asi meh Uging tu. Ditundi, dikeji, disumpah.

To ukai Uging hehee. Picture from here.

Nyadi lebuh maianya kelia, menua balat amat gagau ke antu raya.Nyu tiap tiap malam antu raya ngagau mimpi sida ke ngimpun menua diak.Laban menua kelalu amat gagau, diak sida ba rumah panjai nya pindah, ngelebus mai reta tengkira ngagai menua siti da. Nyadi sida orang rumah panjai pindah enggai ngemai tudah Uging. Ko sida”Enda ibuh enggau kami pindah nuan Uging, ditu meh nuan tinggal ngibun tembawai kami’’.Ko sida. Kasih meh tudah Uging digaga sida bakanya. Tinggal meh tudah tuai Uging kediri-diri aja ngembuan tembawai ti enda lama da deka repa.

Berunding kediri meh tudah Uging tu bakani deka nyeliah kediri empu ari ke diempa antu raya.Diak deh Uging tebulih ke siti runding. Tumu tumu pagi Uging ngagai sungai ngiga pama. Nyadi iya ukai ngiga pama kediempa, tang ngiga pama dikena iya beribun. Udah iya bulih pama diak bai iya pulai sida pama nya tadi. Diengkani, diberi iya makai manah manah pama nya tadi.DItulang ke iya ikan manah mana enggai ke pama nya tengkelan, legi nyu enda dapat nyaut antu raya. Nyadi kelia, pama nemu bejaku tauka nyaut tanya. Pama nya meh kena iya nyaut antu raya semalam-malam.

Bah, ari pan deka datai lemai. Nyadi Uging sereta pamanya udah nyikap diri empu ke penatai antu raya nya legi. Ari pan belabuh malam, matahari siang pan belabuh padam…………………….

(Besambung baru)

p/s : Copyright:Jerita dikarang ari pengingat Unai. Bisi sekeda jalai cherita enda ingat.Jerita tuai ti nadai bekait ke enggau agi idup sereta orang ti ke udah nadai.)

Jerita Apai Sali Makai Paku Lawang

Apai Sali makai paku lawang.

Mesti kita kala ninga jerita apai Sali tauka Apai Saloi- ko sekeda piririh bagi menua bukai.Nyadi ko kami di menua din, bagi sitak tungak ke Mujong Kapit,jerita Apai Sali.Agi mit suba mayuh macam jerita ditusi tauka ditusoi sida niang ini niang aki.Ditu aku deka bekenang ke salah sigi jerita ti bisi kala di dinga maia aku agi mit suba, ianya jerita Apai Sali makai paku lawang.Nyadi enti bisi kita ka nama Sali anang saru au, tu semina jerita orang tuai kelia.Enda bekait enggau orang ke agi enseput tauka udah nadai.

Jerita iya munyi tuk enti enda salah ingat aku:

Bisi tengahari siti,Apai Sali nemuai ngagai rumah Apai Seumang-umang. Sigi cun maia ari Apai Sali ke datai nemuai sida apai seumang-umang sebilik benung matah ke lengan. ‘’Lalu Apai Sali’’ ko Apai Seumang-umang.’’Cun endar ga maia buat to datai,kitu enggau kami matah ke lengan ditu akih” ko Apai Sumang-umang.

‘’Au tau ga nyungkit ke aku asi mimit bakih,ka ensepi nama utai ke nyamai tengah ari tuk” ko Apai Sali.’’Apo bakih,nama utai ke nyamai tuk?’’ko Apai Sali nanya ke lauk sida Apai Seumang-umang.’’Paku nya deh Apai Sali, ke digoreng indai Seumang-umang campur iya enggau belacahan Bintulu,tutuk ke chabi api mimit’’ko Apai Seumang-Umang nyaut.

‘’Dini nuan bulih paku tu deh Apai Seumang-Umang?’’ ko iya nanya baru ga.’’Apo, peda nuan sebelah nisi rumah kami nya mayuh udu,nya meh ke diambik indai Seumang-umang.Tau ga nuan pulai legi nguji ngambi paku nisi rumah nuan, enda patut nadai’’ko Apai Seumang-Umang.

Udah abis makai mupuk meh tudah Apai Sali tugum-tugum pulai ke rumah iya empu. Datai ba rumah lalu deka nguji resipi paku Apai Seumang-Umang tadi. Alu ingat iya, iya ke pesan Apai Seuman-Umang tadi.’’Paku diambi belah nisi rumah iya.’’ Ko iya bejaku kediri sambil meling tisi rumah iya.

Ba iya munyi ke jerita ko orang Apai Sali sigi beli,tambap,melebab… (Enda logik) bah dikumbai orang jerita kelulu Apai Sali.

Peda iya paku ba tisi rumah,alu dicabut.Tu paku meh ko dalam ati iya.Tadi Apai Seumang-Umang madah paku ba nisi rumah.
‘’Nama paku tu liat udu dicabut?’’ ko iya bejaku kediri, .Enda mukai mukai ambi iya tukul alu cabut iya paku lawang.Udah bulih sekilo paku tic abut iya,alu ditabak ba periuk meh paku lawang tu tadi,campur iya enggau belachan enggau chabi.

Dianti mansau empai mansau ga paku iya nya tadi.’’Nama ga paku tu lalu bedau lemi! lemi!,lama endar ga aku udah manduk nyau ka sejam’’ ko iya.Ba nganti meh tudah tuai tadi nyau seari ari semalam malam iya manduk paku nya tadi.Pagi siti, enda sabar meh Apai Sali alu ka makai paku ti dipanduk iya kemari.Lalu dipangkil iya meh paku nya tadi,sampail ke ngeli iya nyu begerigil, alu diirup iya sup,ensepi utai nadai enda ngangat nya.Bah! betu meh dilah apai Sali tu tadi.’’ Legi! legi ensepi asai nuan Apai Seumang-Umang!aku deka ngukum nuan gaji nuan beduan aku.”ko iya mut mut kediri.

Datai ba rumah Apai Seumang-Umang…..

‘’Apai Seumang!! nama nuan balat endar beduan aku!!Nama aku bisi berutang enggau nuan ngelamatu??’’.ko iya seraya ngentak ke kaki lalu nempap dada deka ngelaban apai seumang umang ti benung bengap bengap enda nemu nama utai ti dikeduan iya ba apai Sali.

‘’Ba nama ga nuan tak nyemetak nyemetak pagi pagi ari ko apai seumang.
‘’Nuan aaa, ketegal aku deke nunda resipi paku ke dipadah kenuan. Peda nuan, dilah aku nyau ambis betu, peda nuan ngeli aku nyu begerigil dibai mangkil paku ke dipadah nuan’’.

‘’Apo neh Apai Sali, paku nama ke balat dipangkil nuan nyau ngasuh ngeli nuan begerigil,sereta mulut nuan pan betu’’pia ko Apai Seumang-Umang nimbal iya.

‘’Tu aaa, peda nuan paku tu(sambil nunjuk ke paku ke dibai iya enggau periuk periuk sekali’’.

Peda! nyau ka pansut leka mata apai Seumang umang meda paku ke ditunjuk apai Sali. Nyu bekarat ai ba periuk.

‘’Apai Sali! Apai Sali!nuan nemu nama paku ko aku?Ukai paku tuk..Tuk paku lawang.
Nyadi ke resipi ke dipadah aku ke nuan nya resipi paku tuk, nemu nuan,paku ikan.paku ti tau diempa

Enda puas ati apai Sali ‘’ Nuan ke madah kemari, paku aja deh!Nadai nuan madah paku ikan ke paku babas ke.Nama nuan madah ba sebelah nisi rumah deh?’’

‘’Akai.. akai..langgai!!! enggai enda NYENTUK nuan, tuk deh Apai Sali Apai Sali.’’ Ko Apai Seumang umang nyaut iya.Nyu enda kidan meh ati tudah apai Seumang umang nyaut orang paloi baka apai Sali.

‘’Kitu nuan aku nunjuk ke nuan, paku ba nisi rumah iya dipadah aku ke nuan nya’’ ko Apai Seumang Umang.

Alu dibai iya meh apai Sali meling tisi rumah.

‘’To peda nuan, paku ke tumbuh belah nisi rumah.tuk meh bulu babas ke tau diempa.Ukai tak paku lawang kena mantang nisi rumah nuan nya.!!’’Ko apai Seumang-Umang nimbal iya,mulai ke paku buah keras ngagai Apai Sali.


Ba, keno ko jerita.Enda ulih meh Apai Sali ka nunsung Apai Seumang-Umang tuk tadi,laban iya enda mereti utai ke dipadah apai Sali.Pulai meh tudah tugum tugum baru mai mulut diri ti banggul ketegal betu makai paku lawang. Enggai enda nyentuk ga madah ke orang ke baka Apai Sali tu.

Beteladan ke jerita Apai Sali, tu :Bisi sekeda orang enggai enda NYENTOk dipadah,enggai ke nyu SARU tauka salah interpretation ko ribai.Enti ulih tak tunjuk enggau chunto chunto tauka sample iya sekali.