Duit..duit

Back again to Sukut Jaku Iban (My Iban language Corner), again no translation…

Ha, betemu baru kitai ba Sukut Jaku Iban aku. Aku tu sigi buruk mimit begaga ka blog jaku Iban siti da,nya meh dirojak ka aku enggau jaku ribai ditu.

Aku bisi macha post ka tulis menyadi kitai Pat ba blog iya,Similatong Event. Bisi utai nyelai ti dibantaika PETARA ba menoa sidanya.Aku deka kia ngelamatu,tang nadai ari bebelama,apai tuai traveling bebelama,tusah ga kereja enggau orang.Nya meh besai kuasa Petara ti mandangka kuasa iya ba dunya. Enti aku tepeda ka mua Jesus dia,apo chukup beruntung, sigi digiga Petara betemu mua nyau segala gala dipeda.

Sigi agi utai ti nyelai,dia.bala Iban ka tinggal dia,berebut ke duit munyi ka blog ti ditulis Pat. Duit ti sepatut iya diberi kena nulong gereja ba menoa sidanya. Bah, kapa berebut ka duitnya deh. Nya ,eh ulah sida iya.Malu !

Bekenang ke DUIT tu, sigi sanggup belaya.ba disebut legi parti belaya,kereja enda digaga. Ketegal duit mega sanggup bebunuh,eh macham macham,kita lebih agi nemu.

Duit!Duit!Duit!. Enti nadai duit enda ga ulih idup maia ari tu. Kena bebayar ka rumah,bebayar ke Kereta,bebayar ke tu bebayar ke nya.Sigi enda nemu abis utai dibayar.Nya meh enda tau pungkang duit.

Anang ga enti udah ngidup kediri,bisi bini bisi anak. Enda patut enti udah bebini pan agi ga ngarap ka apai indai.Enda patut apai nuan bebelama mayar ka nuan moto,meli ka nuan beras,nyendia rumah ka nuan.Nuan sebagai lelaki enggau bini,nama gaga deh? Ngaga anak aja nemu pia? Anang ga enti apai indai udah tuai,enda patut! enda patut.Anak pan agi apai indai nupi,bedau enti anak nyau tiga,empat.nya meh sekeda ulah mensia. Enti aku lelaki,sanggup aku kereja kontrak amat meh ulih tetupi ka diri,enda nusah ka orang.Sampai bila?Nya aja mupuk aku, anang nganu kita,utai ditulis aku tu enda bekait enggau orang ti udah parai enggau orang ti enda enseput agi.