Hai,
I beg for forgiveness for non-Iban speaker, no translation…
Lelak aku bejaku ribai, ka bejaku Iban dulu. Ni alah jaku ribai bebelama, ukai nya nemu amat aku tu jaku ribai,nyau telentang tungkup jaku ribai aku. Kapa aku peduli…ukai nya blog sida.Blog aku tu neh. Ka sida mansa aja. Peduli…buzi body.!!
Jaku Iban aku tu meh enda meh landik endar, peda sepil jaku tu ,engka enda nitih ka stindit sepil ti betul…anang memunyi enti sepil enda entu betul, ba sebut orang agi belajar.Belajar tu meh pekara it enda nemu ambis.Sampai ke parai agi meh belajar. Enti bisi leka jaku kitai Iban enda sebaka,engka nya lain ai.Kami tu Iban di ulu menoa wai, din pala menoa ko niang aki aku suba.Agi kelia mayuh jani ba menoa kami din.Diatu anang nyebut, anang ke batang lubang idung jani,buah bekau empa sida jani pan nadai tetemu ke agi.Nama kebuah? Entah..Engka laban kompeni batang nyau makin mubuk menoa.Ni ka bisi agi.Enti kita ngumbai aku bula, kompeni ke ngaga kem batang nya meh pemadu kaya.Ari mit kelia sampai ke diatu agi regah regah kompeni nya.Nyau makin abis kayu, Bukit landai udah ditebang sida. Tang diatu, sida udah betanam ke anak kayu balak,enggai ke pupus.Ni alah nebang aja, mesti ke nanam ga. Agi kelia besai batang kayu balak, enda alah sepemeluk ko orang ketuai.Diatu makain kurus makin kurus kayu, engka udah beri sida slimming tea kini.Enti nitih ke asilnya, raya menoa kami kin wai.Kaya amat menoa Sarawak pelaba aku. Maya aku pulai menoa suba, bisi ga pemansang mitnya ba pasar,makit tinggi nyau makin tinggi.Ngenang ke pemansang ba rumah panjai kami ditu. Nadai wai.Nadai pemansang.Agi baka kelia. Agi meli injin api kediri empu.Jalai kena sigi jalai ainya meh, ukai jalai betar.Laban ko sida iya menoa ulu Sungai pedis ka digaga jalai,taja jalai semak enggau jalai kem batang.
Au, nakanya dulu.Au kemari bisi enggau orang ngundi kita. Nama reti ngundi ba kita?Sapa diundi kita?Undi meh nitih ke penyamai ati.Anang aja ngundi parti belaya. Nadai tuju. Nya aja, kena nulis blog jaku Iban aku. Enggai ke blog nyadi kasam kelalu lama enda diabas.
No comments:
Post a Comment